၁၃ ဂဏန်းတွေနဲ့ မွေ့လျော်တဲ့ ဘ၀ တစ်ခု

တိုက်တိုက်ဆိုင်ဆိုင် ဇွန်လ ၁၃ ရက် နေ့မှာ တစ်နှစ်နီးပါး စိတ်ထဲမှာ မွန်းကြပ်လှောင်ပိတ်နေမှုဘ၀ တစ်ခုထဲကနေ ရုန်းထွက်ဖို့ အခွင့်တစ်ခုရတယ်။ တစ်နှစ်ကျော် ဆက်ဆံလုပ်ကိုင်ခဲ့တဲ့ နေရာတစ်ခုကို ဒီနေ့မှာပဲ နှုတ်ဆက်လိုက်တယ်။ အပြင်လူအနေနဲ့ မျောက်သစ်ကိုင်းလွတ်သွားတဲ့ဘ၀ တစ်ခုလို့ ပြောချင်ပြောကြမယ်။ ငါ့ရင်ထဲမှာ တော်တော်ပျော်နေတယ်။ ရင်ထဲမှာ ပေါ့ပါးသွားတဲ့ လွတ်လပ်မှုနဲ့ ပျော်ရွှင်မှုက တစ်ဘက်၊ နောက်ခြေလှမ်းတစ်လှမ်းကို ဆက်ဖို့ အဆင်ပြေပါ့မလားဆိုတဲ့ တထင့်ထင့် စိတ်ကလေးက တစ်ဘက်။
ငါ့အတွက် ဘ၀ ဆိုတာဒါပါပဲ။ ငါယုံကြည်ရာ ဘ၀၊ ငါပျော်ရွှင်ရာဘ၀ တစ်ခုအတွက် ဘာမဆို ငါ စွန့်ခွာနိုင်ခဲ့တာပဲ။ မမြင်မကန်းဘ၀တွေထဲကို တစ်ဖန်ပြန်ဝင်ပြီး ငါစွန့်စားရဲရဦးမှာပေါ့။ အမေ့ကိုတော့ သတိရတယ်။ အမေကတော့ ငါ့စိတ်ကို အရင်လိုပဲ ကောက်ချက်ပြုဦးမှာပါ။ အမေရယ် ဘ၀မှာ စွန့်စားခြင်းဆိုတာ မရှိရင်၊ အနိမ့်အမြင့် တွေကြားမှာ ကစားပြီး မနေရရင် ကျွန်တော် မနေပျော်ဘူးအမေရယ်။ ကျွန်တော့်ရဲ့ ဒီမှာ နောက်ဆုံးနေခွင့်ရှိမယ့်နေ့က ကျွန်တော် အိမ်ကို စွန့်ခွာလာတဲ့ ၁၀ နှစ်ပြည့် နေ့ပဲ အမေရေ။ အဲဒီနေ့မှာ အမေ့ခြေဖမိုးပေါ် ကျွန်တော် နဖူးတိုက် ရှိခိုးတော့ ကျွန်တော် ရှိုက်ကြီးတငင်ငိုခဲ့တာကို သတိရတယ်။ ဒီတစ်ခါကတော့ ကျွန်တော်မငိုတတ်တော့ဘူး အမေ။ တကယ်လို့ အဲဒီနေ့မှာ ဒီနိုင်ငံကို ကျွန်တော် စွန့်ခွာခဲ့ရင်တောင် ကျွန်တော့်ရဲ့ ငယ်ကျင့်အတိုင်း ကိုယ်လုပ်ခဲ့တဲ့ အလုပ်အတွက် နောင်တရမိဦးမှာမဟုတ်ဘူး။ ဒီနေ့လေးကို တိုက်ဆိုင်လွန်းတဲ့ ၁၃ ဂဏန်းနဲ့ ကျွန်တော့် ဘ၀ရဲ့နေ့အဖြစ် ကျွန်တော် ဒိုင်ရာရီထဲမှာ ရေးလိုက်တယ်။ ကျွန်တော်ကို ဒီတစ်ခါလည်း နားလည်လိုက်ပါဦး အမေရယ်။